a09bb4aad1a54554fd795b16ae17afcd_L

මෙවර මහ මැතිවරණයෙන් නවක මන්තී‍්‍රවරුන් 64 දෙනෙකු පාර්ලිමේන්තුවට තේරී පත්ව තිබේ.

 

ගම්පහ දිස්ති‍්‍රක්කයෙන් නවක මන්තී‍්‍රවරුන් 6 දෙනෙකු ශී‍්‍ර ලංකා පොදුජන පෙරමුණ යටතේ පාර්ලිමේන්තුව නියෝජනය කිරීමට වරම් හිමි කරගෙන තිබෙන අතර එම නවක මන්ති‍්‍රවරුන් වන්නේ ආචාර්ය නාලක ගොඩහේවා, සහන් ප‍්‍රදීප්, කෝකිලා හර්ෂණී ගුණවර්ධන, නලින් රුවන්ජීව ප‍්‍රනාන්දු, මිලාන් සජිත් ජයතිලක සහ උපුල් මහේන්ද්‍රයි.

කොළඹ දිස්ති‍්‍රක්කයේ නවක මන්තී‍්‍රවරුන් ලෙස ශී‍්‍ර ලංකා පොදුජන පෙරමුණ යටතේ තරගය කළ මේජර් ප‍්‍රදීප් උදුගොඩ, මධුර විතානගේ, පේ‍්‍රමනාත් සී දොලවත්ත සහ ජගත් කුමාර තේරී පත් විය.

කළුතර දිස්ති‍්‍රක්කයේ නවක මන්තී‍්‍රවරුන් ලෙස ශී‍්‍ර ලංකා පොදුජන පෙරමුණෙන් තේරී පත් වූයේ සංජීව එදිරිමාන්න, අනූප පස්කුවල් සහ ලලිත් එල්ලාවලයි.

අනුරාධපුර දිස්ති‍්‍රක්කයෙන් ශී‍්‍ර ලංකා පොදුජන පෙරමුණ යටතේ තරග වැදුණු සිව්දෙනෙකු නවක මන්තී‍්‍රවරුන් ලෙස තේරී පත්ව තිබෙන අතර මහාචාර්ය චන්න ජයසුමන, උද්දික පේ‍්‍රමරත්න, එච් නන්දසේන, කේ පී එස් කුමාරසිරි එම නවක මන්ත‍්‍රීවරුන් සිව්දෙනායි.

සමගි ජන බලවේගයෙන් අනුරාධපුර දිස්ති‍්‍රක්කයට තරග කළ රෝහණ බණ්ඩාර විජේසුන්දරද මෙවර පාර්ලිමේන්තුවට තේරී පත් වූ නවක මන්ත‍්‍රීවරයෙක් වන අතර වසන්ත යාපා බණ්ඩාර, ගුණතිලක රාජපක්ෂ, උදයන චාමින්ද කිරිදිගොඩ මහනුවර දිස්ති‍්‍රක්කයෙන් ශී‍්‍ර ලංකා පොදුජන පෙරමුණ යටතේ මෙවර පාර්ලිමේන්තු වරම් හිමි කරගත් නවක මන්ත‍්‍රීවරුන් තිදෙනායි.

ශී‍්‍ර ලංකා පොදුජන පෙරමුණ යටතේ තරග වැදුණු ජීවන් තොණ්ඩමන්, මරධපාණ්ඩි රාමේෂ්වරන් සහ නිමල් පියතිස්ස නවක මන්තී‍්‍රවරුන් ලෙස නුවරඑළිය දිස්ති‍්‍රක්කයෙන් තේරී පත් විය. සමගි ජන බලවේගයෙන් තරග කළ එම් උදය කුමාර්ද පාර්ලිමේන්තුවට තේරී පත් වූ නවක මන්ත‍්‍රීවරයෙකි.

ගාල්ල සහ මාතර දිස්ති‍්‍රක්කවලින් ශී‍්‍ර ලංකා පොදුජන පෙරමුණ යටතේ තරග කළ අපේක්ෂකයින් තිදෙනෙකු බැගින් මෙවර නව මන්ත‍්‍රීවරුන් ලෙස පත්වී තිබෙන අතර සම්පත් අතුකෝරළ, ඉසුරු දොඩංගොඩ, ශාන් විජයලාල් ද සිල්වා, ගාල්ල දිස්ති‍්‍රක්කයෙන් පත් වූ නවක මන්ත‍්‍රීවරුන් තිදෙනායි.

මාතර දිස්ති‍්‍රක්කයෙන් මෙවර පාර්ලිමේන්තුවට පළමු වරට තේරී පත් වූ මන්ත‍්‍රීවරුන් වන්නේ නිපුණ රණවක, කරුණාදාස කොඩිතුවක්කු සහ වීරසුමන වීරසිංහයි. හම්බන්තොට දිස්ති‍්‍රක්කයෙන් ශී‍්‍ර ලංකා පොදුජන පෙරමුණ යටතේ තරග කළ වෛද්‍ය උපුල් ගලප්පත්ති සහ අජිත් රාජපක්ෂ ද පාර්ලිමේන්තුවට තේරී පත් වූ නවක මන්ත‍්‍රීවරුන්ය.

කුරුණෑගල දිස්ති‍්‍රක්කයෙන් මෙවර පාර්ලිමේන්තුවට තේරී පත්ව ඇති නවක මන්ත‍්‍රීවරුන් ගණන 04ක් වන අතර ආචාර්ය ගුණපාල රත්නසේකර, අසංක නවරත්න, සමන්පි‍්‍රය හේරත්, සුමිත් උඩුකුඹුර එලෙස පත් වූ නවක මන්ත‍්‍රීවරුන්ය.

කෑගල්ල සහ රත්නපුර දිස්ති‍්‍රක්කවලින්ද ශී‍්‍ර ලංකා පොදුජන පෙරමුණෙන් තරග කළ අපේක්ෂකයින් තිදෙනා බැගින් නවක මන්ත‍්‍රීවරුන් ලෙස පත්ව සිටියි. රාජිකා වික‍්‍රමසිංහ, සුදත් මංජුල, උදයකාන්ත ගුණතිලක කෑගල්ල දිස්ති‍්‍රක්කයෙන් පත් වූ නවක මන්ත‍්‍රීවරුන් වන අතර රත්නපුර දිස්ති‍්‍රක්කයෙන් තේරී පත් වූ නවක මන්ත‍්‍රීවරුන් වන්නේ ගාමිණි වලේබොඩ, අකිල එල්ලාවල සහ මුදිතා ප‍්‍රශාන්ති ද සොයිසායි.

 
 
 

LEAVE A REPLY

Please enter your comment!
Please enter your name here